Ukiut 40-t qaangiunneranni: Inngikitsulik aatsaat 20 gradernik kiatsigeqqittoq
Inngikitsulik nunarsuarmi najugaqarfigineqartuni avannarpasinnersaavoq, Norgemilu arfininngormat kiannerpaat akornaniilluni.
Allattoq Ritzau
Nutserisoq Marie Kûitse Kristensen
Qeqertami Inngikitsulimmi arfininngormat kiassiutip uuttortaatani 20-it sinnerlugit kiappoq, taanna issittup avannarpasissortaani Norgep avannaani inissisimavoq.
Norskit nutaarsiassaqartitsiviat NRK taama allaaserisaqarpoq.
Ukiut 40-t qaangiunneranni aatsaat 20 grader sinnerlugit kiatsigeqqittoq NRK allappoq. Aappassaaneerluni aamma aatsaat taama kiatsigaluni.
Inngikitsulimmi ullumi pingasut qeqqartoq kiassiut 20,7 gradermiippoq.
Inngikitsulimmi kingullermi juunip 16-iani 1979-imi 21,3 gradernik kiatsigaaq, taamanili arfininngormat aatsaat taama kiatsigeqqittoq, norskit silasiortuat Magnus Ovhed oqarpoq.
Norgep kujasissortaani arfininngormat kiassiut 15 grader missaanniippoq. Norgelli avannaarpasinnerpaani kiannersaasoq, Magnus Ovhed oqarpoq.