Ukiuni qulingiluani isertitsivimmiittussanngortitaavoq
Maniitsumi eqqartuussiviup angut 23-nik ukiulik, Maniitsumi ukiutoqqami toqutsisimasutut, toqutseriarsimasutut marloriarlunilu nakuusersimasutut, ukiuni qulingiluani pinerluuteqarsimasunut inissiisarfimmiittussanngorlugu eqqartuukkaa, Sermitsiap nittartagaani allaaserineqarpoq.
Allattoq Elisa Isaksen
Toqutsisup unnuk taanna imigassartorsimanini pissutigalugu pisimasoq eqqaamasaqarfiginngilaa. Arnaq toqutaasoq 35-t missaannik ukioqarpoq Tunuminngaanneersuullunilu. Taanna qaammatialunnguaannarni illoqarfimmi najugaqarsimavoq.
Angut 23-nik ukiulik eqqarsartaatsimigut misissuiffigineqareerluni pineqaatissinneqarpoq.