Ukiumoortumik ataatsimiilerput

Nunat Avannarliit Killiit nungusaataanngitsumik pisuussutinik uumasunik, soorlu arfernik puisinillu, piniarsinnaatitaasinnaanissartik pillugu nunanut allanut paasissutisseeqatigiittarnissaat pingaarnernut ilaatillugu aamma eqqartorneqassaaq.

Misigissutsit aallaavigalugit, ilisimasakinnerlu pissutigalugu, nunanit allanit avoqqaarliiniartoqartarmat tamanna pisariaqartinneqartoq, Siunnersuisooqatigiit siulittaasuata tullia, lagtingimi siulittaasoq, Kári P. Højgaard, oqarpoq.

Siunnersuisooqatigiit ataatsimiinnerminni eqqartugassaannut ilaapputtaaq, Nunani Avannarlerni Killerni, soorlu Kalaallit Nunaanni, ajunaartoqalersillugu namminneq piumassutsiminnik ikiueqataasinnaasut atorfissaqartinneqarnerannut tunngasut.

Inatsisartut siulittaasuat, siunnersuisooqatigiillu siulittaasuata tullia, Ruth Heilmann, Kalaallit Nunaat sinnerlugu ataatsimiinnermi peqataassaaq.