Ukiukitsup pinngitsaaliilluni atoqateqarsimaneranik suliaq Sermersuup pimoorulluinnarlugu suliaraa
Meeqqap pitsaanerpaamik ikiorserneqarnissaa qulakkeerniarlugu periuseq aalajangersimalluinnartoq atorneqartoq kommunip ilisimatitsissutigaa.
AAMMA ATUARUK Ukiukitsut peqatiminnik pinngitsaaliillutik atoqateqarsimasutut pasineqartut
Kannguttaatsuliortorli eqqugaasullu tamarmik ukiukitsuummata, inersimasuunnginnerat aallaavigalugu Meeqqanut, Ilaqutariinnut Atuarfeqarnermullu Immikkoortortamit ajunnginnerpaamik ikiorserneqarnissaat isumagineqarpoq.
- Ukiukitsut allanut ukiukitsunut kannguttaatsuliorsimatillugit, kommunip suliassaraa pisoq ataatsimut isigalugu, taannalu aallaavigalugu kannguttaatsuliortoq eqqugaasorlu ikiorniarlugit kinguneqartussamik aaqqiissuteqarnissaq.
- Ajunnginnerpaamik aaqqiiniarluta meeqqat ataasiakkaat pisariaqartitaat aallaavigisarpavut, meeraq ikiorniarlugu meeqqamullu ilaqutaasut ataatsimut isigalugit periarfissat aallaavigalugit ikiorsiiniartarpugut, Meeqqanut, Ilaqutariinnut atuarfeqarnermullu immikkoortortami pisortaq Tina Dam Rasmussen taama oqarpoq.