Politiit ullormut nalunaarutaat: Ukiukitsoq Nuummi lastbiilimik tillittoq

Nukappiaraq ukiukitsoq Nuummi Nuussuarmi lastbiilimik ataasinngornerup unnuaani tilleriaraluarpoq. Politiit sumiiffimmut ornigummata nukappiaraq qimaavoq.

Allattoq Nicole Sander Bertelsen

februaarip 03-at 2025 09:50

Kalaallit Nunaanni Politiit Nuussuarmi akuerineqarani atortoqarneranik unnuaq sisamat missaanik nalunaarfigineqarput.

Nukappiaraq ukiukitsoq lastbiilimik tilleriaraluartoq paasinarsisoq, Kalaallit Nunaanni Politiit pigaartuisa pisortaat, Jeppe Andsager oqarpoq.

- Lastbiilimik siumut utimullu ingerlasimarpasippoq, politiilli ornigummata nukappiaraq qimaavoq, Jeppe Andsager oqarpoq.

Nukappiaraq qassinik ukioqarnersoq politiit qulakkeerlugu oqaatigisinnaanngilaat, taassumali 15-inik 16-inilluunniit ukioqarnissaa eqqoriarpaat, pigaartut pisortaat oqarpoq.

Aamma atuaruk Politiit: Tasiilami savilersortoqartoq - inuk qungatsimigut kapineqartoq

Taamaammat politiit qimmertik nukappiaqqamik ujaasitinniarlugu aalajnagerput, qimmilli nukappiaraq qimaalluni iluatsitsisoq tammarpaa.

Pisoq pissutigalugu Kalaallit Nunaanni Politiit biiliutilinnut kaammattuutissaqarpoq.

- Biilit isumannaarnissaat eqqaamaneqassaaq. Tamanna pisussaaffiuvoq, Jeppe Andsager oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.