Ukiortaarsiorneq sivitsortoortoq
Inuit 60-it Tuluit Nunaanni imerniartarfiit ilaanni Tan Hill Innimi ukiortaarsiornerat ilimagisamit sivisuneruvoq. Ullummi pingasut appussaasimapput, immiaaqqanillu taamaallaat inuussuteqarsinnaasimallutik. Nallukattat aamma aliikkutarilluinnarsimavaat.
Allattoq Mads Lynge
Tuluit Nunaanni ukiortaap nalaani perlummat inuit imerniartarfimmi appussaapput. Biilitik ornissinnaasimanngilaat, aqquserngillu matuneqarsimasut, Nutaarsiassaqartitsivik Ritzau allaaserisaqarpoq.
- Imerniartarfimmi appussaaneq ajorisassaanavianngilaq, ajornerusumimmi appussaasoqarsinnaagunarpoq, Tan Hill Innimik piginnittoq Tracy Daly oqarpoq.
Aputaajaassuit imerniartarfimmut ippassaq aatsaat anngussinnaasimapput, ukiortaarsiornerlu sivitsortoortoq naammassineqarsinnaasimalluni:
- Barip ualikkut tallimanut aatsaat ammartarnissaa attapparput, inuillu tamanna ataqqivaat, Tracy Daly oqarpoq.