Ukiortaami ilasseqatigiissitsipput
Aallartitat, aamma danskit naalakkersuisui, ministeri Karen Ellemann siuttoralugu, Namminersorlutik Oqartussat Københavnimi sinniisoqarfiani ukiortaami ilasseqatigiinnermi maannakkut pisumi najuupput.
Allattoq Jaaku Lyberth
januaarip 13-at 2011 10:35
Ukiortaami ilasseqatigiissitsinermi aallartitat ministerit Kalaallit Nunaannullu attuumassuteqartut 225-t qaaqquneqarput, taakkualu immikkoortunut marlunnut avinneqarput, siulliit ullaap tungaa nunatta nalunaaqutaa malillugu qulinut ilasseqatigiinnermi najuupput, kingulliit maannakkut ullup qeqqanut aallartittumik ilasseqatigiisinneqarlutik.
Ukiortaarsiorluni ilasseqatigiissitsinermi Naalakkersuisut siulittaasuat Kuupik Kleist qaaqqusisuusoq, Namminersorlutik Oqartussat Københavnimi sinniisoqarfiani tusagassiisartoq, Susanne Frydendahl, oqarpoq. Ilasseqatigiisitsinermi erinarsoqatigiit Aavaat aliikkusersuissapput.
