Ukiormanna mittarfitsialammik toqqaasoqartoq
Paamiuni Mittarfik ukiormanna mittarfitsialattut toqqarneqarpoq, tamatumanilu 2013-imi aningaasanik aqutsilluarsimanera aamma sulisunik aqutsilluarnermigut angusaqarluarsimanera tunngavilersuutigineqarlutik.
Paamiut mittarfianni ingerlatsisup Brian Biilmann Hjortborgip tulluussimaarnini isertuutinngilaa.
- Paamiut mittarfianni sulisunut tamanut nersornaasiussaavoq, ineriartortitsinermi ingerlatsinermilu pitsanngorsaanissamik ingerlaavartumik pisussaaffiliisoq, mittarfimmik ingerlatsisoq nersornaaserneqarnermik kingorna oqarpoq.
'Ukiormanna mittarfitsialattut' toqqaanerup saniatigut 'Ukiormanna pitsaassutsimut nersornaammik' aamma nersornaasiisoqarpoq. Sisimiuni Mittarfik pitsaanngorsaanermik isumannaallisaanermillu immikkut ittumik suliaqarsimasutut nersornaasigaavoq.
Sisimiuni Mittarfimmik ingerlatsisup tanngassimaartup, Bo Olsenip, nersornaat sulisuminut ingerlateqqippaa oqarlunilu, nersornaat piumassuseqalersitsisoq, pitsanngorsaajuarnissamillu kajungilersitsilluni.
Mittarfiit suliaannik nersuaalaarinninnertik takutinniarlugu, aamma mittarfiit suliaannik avammut nittarsaassiniarlutik, Mittarfeqarfiit ukiut tamaasa marlunnik nersornaasiisarput.
