Ukioq manna ikiueqqaallammattut toqqarneqartut
Arfininngorneq februarip 18-iani Nuutoqqami Anguti Kristiansen aamma Nathan Kreutzmann angummik ipilersumik annaassiniarput. Tamanna pillugu angutit Kangaamiuneersut ukioq manna ikiueqqaallammattut toqqarneqarput. Kalaallit Røde Korsiata ukiut 20-it nalliuttorsiutigineqarneranut atatillugu angutit sapiiserlutik annaassiniarsimanerat nersorniarneqarpoq.
- Nersornaammik tunniussinermi pingaartumik tunngavilersuutigineqarpoq angutit taakku inuusuttut marluk inuunermik akigisinnaanerat eqqarsaatigeqqaarnagu imaanut aqqarsimammata ajornartorsiortorlu nalullutik ornillugu. Ipilersup niaqua illersorsimavaat immallu iluanukatsaaliorsimallugu, qaqikkamikkulu erngerlutik ikiortissarsiorsimallutik, Kalaallit Røde Korsiani allaffimmi pisortaq Kirsten Mortensen nassuiaavoq.
Nersorniarneqarneranut atatillugu allagartaq nersornaat tunniunneqarpoq saniatigullu 5.000 koruuninik angutit tunineqarput.
Assimi siullermiippoq Nathan Kreutzmann assillu pingajuanniilluni Anguti Kristiansen.
