Ukioq-manna Arnatsialak toqqarneqarpoq
Ukiormanna Arnatsialak, Arnanut Aviisip, Arnanut, ukiup pingajussaa toqqarpaa.
Arnat 50-it qinigassaasimapput, arnatsialanngortorli tassaavoq, Grethe Kramer Berthelsen. Katsorsaavik Nuuk, Grethe Kramer Berthelsenip aallartitseqatinilu Aqqalukasik Olsen, ukioq manna aallartippaat.
Grethe Kramer Berthelsenip toqqarneqarnini nuannaarutigeqaa, suliniuteqaqqinnissaminullu assut qiimassaatiginerarlugu.
Grethe Kramer Berthelsenip katsorsaasutut sulinermini inuppassuit atornerluisut ikiorsersimammagit, aviisip Arnanut toqqaaniarnerani aalajangiisussaasut, Grethe Kramer Berthelsenip arnatsialattut toqqagaaneranut, tunngavilersuutigaat.
Miserratigineqarsinnaanngilarlu Katsorsaavik Nuuk ammarmalli katsorsaasut ulappussimaqisut.
Arnanut aviisip aamma tikkuarpaa, Grethe Kramer Berthelsen, Katsorsaavimmik Nuuk-mik piginneqataanermigut arnanut siuarsartunut maligassiuilluartuusoq.
