Ukioq ataaseq qaangiuppoq
Ukioq ataaseq maannakkut qaangiuppoq, Tuluit Nunaanni summiiffinni arlalinni qaartartumeerisaqattarnerit pimmata.
Nalunaaqutaq ullo´qeqqarpat, Tuluit nunaanni nuna tamakkerlugu minutsini marlunni nipaallisimaqatigiittoqareerpat, toqutaasimasut aqqi 52-iusut, oqaluffimmi St Paul Cathedral-imi naneruutinik ikiterisoqassaaq.
Toqutaasimasut eqqaaniarlugit, Tuluit nunaanni inuit eqqaaniaaleruttotnerisa nalaani, araberit tv-qarfianni Al-Jazeera-mi takutinneqaqattaartunut ilaavoq, ukioq kingulleq tuluit nunaanni imminoriaatigaluni qaartartumeereqataasup, videoliummut immiullugu oqaasii siorasaarerpalaartut, ilaatigut qaartartumeerisarnerit aatsaat aallartilaarnerarlugit oqaasertaqartoq.
Tamanna pillugu, maannakkut Tuluit nunaanni politiit sillimaniarnerat annertusineqarpoq, annilaangatigineqarporlu, ullumikkorpiaq qaartartumeeriniartoqaqqinnissaa.
Ukioq kingulleq qaartartumeersiarnernut atatillugu, akisussaasunik suli politiit nassaanngillat.
