Ukioq 2009 Kalaallit Nunaannut pisoqarfiulluartoq

Kalaallit Nunaannut ukioq 2009 pisoqarfiulluarmat Hans Egedep oqaluffiani naalagiartitsinissami oqaluussinissamut oqariartuuterpassuussasut, palasi, Marianne Platou Olsen oqarpoq.
Allattoq Bikki P. Kleist
decembarip 30-at 2009 10:38

Namminersorlutik Oqartussat eqqunneqarnera silap pissusaa pillugu ataatsimeersuartoqarmat oqallinnermi Nunatta sermersua qitiulluinnarsimavoq, taamaattumik naalagiartitsinissami oqaluussinissaq imaqarluassasoq, palasi oqarpoq.

- Ukiup naajartulernerani pisimasut naalagiarnermi eqqaassallugit ileqquuvoq, tamanna aamma naalagiartunit tusarusunneqartarpoq.

Oqaluussinermittaaq upperisaq aallaavigalugu oqariartuuteqartoqartarpoq soorlu silap pissusaa pillugu oqallinnermi pingaaruteqarpoq upperisaq tunuliaqutaralugu oqariartuuteqarnissaq soorlu tulliit ilittulli asassavat, aamma soorlu nunarsuarput tamatta paarissagipput, palasi, Marianne Platou Olsen oqarpoq.

Ukiup naalernerani naalagiarnermi tussiutip "Aallorfigissavat" tussiarneqartarnera ileqquuvoq taannalu naalagiartitsisoqalerpat tussiarneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq