Ukaleq Slettemark OL-imut peqataanissamut qanilliallattoq

Sisoraaserluni ooqattaanermi angusarissaarniaraanni sukkasuumik ingerlasinnaasariaqarlunilu nakersaarluartoqartussaavoq.

Ukaleq Slettemarkilu Sverigemi unamminermi ukioq manna unamminermi siullermi IBU-cup-imi sapaatit akunnerata naanerani unamminermini arlaleriarluni angusarissaarnerpaat ilaanniippoq.

Kalaallit Nunaanni Biathlonertartut Kattuffiat tusagassiuutinut nalunaaruteqarpoq.

Ukaleq Slettemark arfininngormat sukkaniunnerup ooqattaanertaani seqqornerni qulini eqquilluarpoq, tamannalu inersimasuni unamminermini angusarissaarluarnerpaanissaanut tapertaalluarpoq.

Sisoraaserluni ooqattaasartoq ajugaasumit tyskimit, Franzizka Holdbrandimit 43,3 sekundinik arriinnerulluni apuukkami normu 7-inngorpoq.

Sukkaniuunnermi angusarissaarluarnera takorluukkaminik angusaqarnissaanut tassa Beijingimi aappaagu februaarimi OL-eqataaniarneranut pingaaruteqartunik pointinik katersilluarneranik kinguneqarpoq.

Taassumali inuusuttut USA-mi nunarsuarmi pissartanngorniunneranni angusarissaarluarnissaq angorusunnerpaavaa.