Ukaleq Slettemark OL-imi peqataarngaarnermini angusarissaartoq
20-nik ukiulik sisoraaserluni ooqattaasartartoq 15 kilometeritut isortartutigisumik ullumi ataasinngornermi peqataavoq, pikkorinnerillu 60-it akornanni inissinnissaq tassani anguniagaalluni.
Ukaleq Slettemarkillu tamanna iluatsippaa. Ukaleq Slettemark normu 53-itut inissippoq, 20-eriarlunilu ooqattaasarami uniuinngilaq.
Ukaleq Slettemark taamaasilluni 10 kilometeritut isorartussusilimmi ukiuunerani OL-ertoqarnerani kingusinnnerusukkut malersuunnisssamut annguppoq.
Ukaleq Slettemarkip OL-imi peqataanermigut angunni taamaasilluni malippaa. Angutaa Øystein Slettemark Canadami Vancouverimi 2010-mi ukiuunerani OL-ertoqarnerani peqataavoq, sprintimillu taagugaanni taamanikkut normu 86-inngorluni.
Ukaleq Slettemark Danmark sinnerlugu OL-imut peqataavoq, nunammi tamalaat OL-imut ataatsimiititaliaata IOC-p Kalaallit Nunaat OL-imut tunngatillugu nunatut namminiilivissimasutut akuerinngimmagu.