Ukaleq Slettemark assakaasulinnik sisorarluni unammeqqaarpoq
Assakaasulinnik sisoraateqarluni ooqattaasarnermik nunarsuaq tamakkerlugu Tjekkiemi maanna pissartanngorniutoqalerutorpoq.
Sisorateqarluni ooqattasarnermik nunatsinni tusaamasasoq, Ukaleq Slettemark, taamatut unamminermik aatsaat misiliisoq, peqataavoq.
Assi: Grønlands Skiskytterforbund
Naatsumi sisamariarluni ooqattaasarnertalimmik ippassaaq pissartanngorniunnermi peqataavoq. Ukalerlu qanoq angusaqarnerluni uani oqaluttuarpoq:
- Anngunniunnermi peqataanissannut pitsaalluinnartumik pilersaarusiorama. Anngunniunnerlu ajunngilluinnartumik naammassivara. Kisianni kinguninnguani taama qanitsigisukkut pissartanngorniutissasugut piareersimaffiginnginnakku. Taamaammat kinguussaavunga, ooqattaasartarfimmilu eqqissisimanngeqalunga nalornigama arfinileriarlunga uniorpunga, Ukaleq Slettemark oqarpoq.
Sungiusarpoq
Arfininngorpat sapaatiuppallu pissartanngorniuttoqaqqisaaq. Ukaleq Slettemark tamatumunnga piareersimavoq, naammattumilli sungiusarsimannginnami qanoq angusaqarumaarnerluni pissangavoq:
- Aasaq manna naammattumik su.ngiusanngilanga, maannali unamminerput unamminissamut sungiusaataalluarput, qanoq inissisimanera qanorlu sungiusassanerlunga takusinnaallugu. Tassalu taakkua ukkatarissavakka, Ukaleq Slettemark oqarpoq.
Ukallip ukioq mannarpiaq nukkassimanissaa pingaarpoq, Aappagumi ukiuunerani OL-eqarnissaanut maanna anngunniarsarivoq:
- Anngutisssanersunga pissanganarpoq. Ilungersornassaqaaq, anguniagaraarali.
OL-imi misilittaganissassaanga, ukiut sisamat qaangiuppata OL-eqaqqinnissani pissatsinnerpaarusukkama. Tusagassiortorpassuaqassaq naatsorsuuterpassuaqarlunilu, tamakkualu sungiunniassavakka, Ukaleq Slettemark, Tjekkiemiit oqarpoq.
Ukiuunerani OL Beijingimi februaarip sisamaani 2022 aallartissaaq.
