Ujarassiuut qillerineri aallaartiinnaqaat
Aatsitassarsiortitseqatigiiffik tusagassiuutinut nalunaarummini taama ilisimatitsivoq.
Tamatumunnga peqatigitillugu aatsitassarsioqatigiiffimmit oqaatigineqarpoq, ukiormanna kingusinnerusukkut Nanortallip avannaani Niaqornaarsummi kuultimik ujaasilluni qillerinerit aallartisarneqassasut.
Aallaqqaammut Qeqertaasami qillerinerit aallartinneqareerput, aatsitassarsiortitseqatigiiffiullu juunip naalernerani Tikiusaami qillerilernissani naatsorsuutigaa. Aamma juulip naalernerani Kujataani Niaqornaarsummi kuultimik ujaasilluni qillerisoqassaaq.
Tamatuma kingorna qillerinerni qaqinneqartut Nuummi aamma Canadami Ontariomi Ancasterimi misissoqqissaarneqassapput.
Misissuinerit neriunaatilimmik takussutissiissappata, aatsitassarsiortitseqatigiiffiup qillerinerit septembarimi nanginniarpai - taamaalilluni piiaasinnaanissaq imminut akilersinnaanersoq nalilerneqarniassammat.