Ujarassiuut allarsuarnit unguneqartut

Ruslandip kangisinnerusortaani qeqertaasami Kamtjatkami, ujarassiuut misissuiartortut allarsuarnit 30-nit kaaqisunit ungusaaqqasimapput.
Allattoq Elisa Isaksen
juulip 22-at 2008 16:21

Kamtjatka Ruslandip kangianiippoq, Alaskamut killeqarfimmut qanittumi. Russit pisortatigut nalunaarutaat naapertorlugu, sapaatip akunnerani qaangiuttumi, ujarassiuut marluk allarsuarnit toqunneqareersullu ujarassiuut tammaarsimaffitsik qimakkumajunnaarpaat.

Silarlunnera pissutigalugu qulimiguulinnik piniartunilluunniit ujarassiuut ikiorserneqarsinnaanngimmata biilinik aqqulluttukkoorsinnaasunik maannakkut orninneqarput. Ruslandip kangisinnerusortaani aalisapilunnerup kinguneranik allarsuit inoqarfiit eqqaanni eqqakkat akornanni nerisassarsiortarput.

Kamtjatka Tuluit Nunaanniit marloriaammik angineruvoq 16.000-illu missaannik allarsuaqarluni.

Allarsuaq angutiviaq 700 kiilut tikillugit oqimaassuseqalersinnaavoq, nikorfaaraangamilu 3 meterisut angitigisinnaasarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq