Ujarassiorimmi ajugaasoq ullumi nalunaarutigineqassaaq

Nunatsinni ujarassiornermik unammisitsisarneq, Ujarassiorit, ukiut 25-t matuma siorna aallartippoq, tamanna kikkunnit tamanit peqataaffigineqarsinnaalluni.
Allattoq Nutaarsiassaqartitsivik / Nyhedsredaktionen
decembarip 17-at 2013 05:54

Ukioq manna Ujarassiornermi ajugaasumut tunniussassaq 55.000 koruuninik pisarnertut aningaasartaqartussaavoq. Ajugaasunut tullernut allanut aningaasanik aamma pinnatassaqassaaq, aningaasanut ajugaasunut tamanut tunniunneqartussat katillugit 120.000 koruuniussallutik.

Ukioq manna Ujarassiornermi ajugaasoq, kikkunnut tamanut ullumi nalunaaqutaq qulinut nalunaarutigineqassaaq. Aatsitassaqarnermut naalakkersuisoq, Jens-Erik Kirkegaard tunniussisuussaaq.

- Nunatsinni ujaqqat assigiinngitsut 500-t 1000-illu akornanniittut Aatsitassat pillugit Qullersaqarfimmut nassiunneqartarput, Ujarassiooq Lærke Thomsen KNR-imut oqarpoq.

Tamanna ujaqqanik nassiussisimasut tamarmik pissanngatigalugu utaqqilereerunnarsivaat. Pissaganassaarlu ukioq manna kina, isaasalerlugu "Ujarassiuutut" toqqagaassanersoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq