Ujarak sermersuarmit pisoq qinnussinermi biskopip tigummiarpaa
Qinnussereermat erinarsoqatigiit Aavaat erinarsorput Kristen Poulsenip erinarsuusiaa ukiap seqerna pukkilisoq erinarsorlugu. Sofie Petersen qinnussigami tuluit oqaasii atorlugit qinnussivoq. -Tullimut asanninneq pingaaruteqarpoq, tulleq tassaaginnanngilaq kalaaleqaterput, tulleq aamma tassaavoq afrikamioq panernersuarmit eqqugaasoq kaannersuarmillu aamma nalaanneqartut, Sofie Petersen oqarpoq. Manerassuarmi inoqarpoq qarsutsinermik eqqugaasut tamakkulu eqqarsaatigalugit aamma taakkua tullerivagut, taamaalillutalu silarsuarmi akisussaaqataavoq aamma Kalaallit Nunaani Sofie Petersen oqarpoq. Kalaallit Nunaani inuit ikittunnguugaluartut qinnussinermi peqataaneq nunarsuarmioqataasunut isumaqartorujussuusoq Sofie Petersen oqarpoq. Kalaallit Nunaanni inuttaasut ikittunnguugaluarlutik inuiassuiat akornanni oqaaseqarsinnaanerat qinnussinermi takutinneqartoq, Sofie Petersenip oqaatigaa.