Ujaqqat erlinnartut silaannarsuarminngaanneersuupput
Tuluit ilisimatuut Bristol Universitetimeersut uppernarsivaat, ullorissat anaat 20 milliardit tonsit missaat, Nunarsuatta pinngorneranit ukiut 200 millionit qaangiummata Nunatsinnut nakkakaasimasut, tamannalu ujaqqanik erlinnartoqalersimaneranut pissutaasoq. Ilisimatuut Nunatsinni qaarsunik misissuinerminni tamanna paasivaat.
Nunatsinni qaarsut, Nunarsuatsitut pisoqaatigingajattut, "ujaqqanik oqimaatsunik" taaneqartartunik qanoq annertutigisunik akoqarnersut uuttortarnerisigut, ilisimatuut paasivaat, ujaqqat oqimaatsut ujaqqallu erlinnartut avataarsuanit pinngortuusut. Ujaqqanik oqimaatsunik aatsaat taama sukumiitigisumik misissuisoqartoq, University of Bristolimit ilisimatitsipput.
Nunarsuup qeqqa ujaqqanik erlinnartunik aamma ulikkaarpoq. taakku ima annertutigaat, nunarsuarput meterinik sisamanik qallersinnaallugu, kisianni tassa piiarneqarsinnaanngillat.
Ilisimatuut misissuinerisa inerneri atuagassiami Nature-imi saqqummiunneqaqqammerput.