Annikitsumik aatsitassarsiorneq Ujaqqanik pinnersaasiortartut assiliinermik pikkorissartinneqalersut
Ujaqqanik pinnersaasiorusuttut soqutiginnittullu Aatsitassanut naalakkersuisoqarfiup aaqqissugaanik ujaqqanik pinnersaasiassanik qanoq ililluni pitsaanerpaamik assiliisoqarsinnaaneranik pikkorissarneqartussanngorput.
Allattoq Inge S. Rasmussen
novembarip 16-at 2017 10:09
Nutserisoq Simon Uldum -
Naalakkersuisoqarfiup GEUS-imi ukiorpassuarni ujarassiornermi assiliisartoq Jakob Lautrup pikkorissaatinniarlugu qaaqqusimavaa. Taassuma qanoq ililluni ujaqqanik pitsaanerpaamik assiliisoqartarnera ilinniartitsissutigissavaa, Namminersorlutik Oqartussat nittartakkaminni taama allapput.
- Ujaqqanik assiliisarneq immikkut piginnaaneqarfigissassat ilaattut taaneqartariaqarpoq, taamaalillunimi assersuutigalugu annikitsumik aatsitassarsiortutut nammineerluni assilisat nittartakkakkut quppernermi kusanarnerusumik saqqummiunneqarsinnaammata, naalakkersuisoq Múte Bourup Egede (IA), assiliinermik pikkorissartitsinissaq pillugu taama tunngavilersuivoq.
