Ujaqqanik erlinnartunik katersisinnaalernissaq ilimanarsivoq
Aatsitassanut ikummatissanullu pisortaqarfik ataatsimeeqatigereerlugulu Peqatigiiffik 16.augustip oqaaseqartartua Tida Ravn taama nalunaaruteqarpoq. Peqatigiiffiup oqaaseqartartua Tida Ravn ima oqarpoq:
- Peqatigiiffiup 16.augustip Aatsitassanullu Ikummatissanullu Pisortaqarfiup akornanni ukiuni kingullerni marlunni aaqqiaginngittoqarpoq, kikkulluunniit ujaqqanik erlinnartunik katersisinnaanissaat isumaqatigiissutigineqanngimmat. Aatsitassannulli tunngassuteqartuni Peqatigiiffik 16.august maanna tusarniaavigineqarsinnaanngussaaq, pisortaqarfiup peqatigiiffiullu ataatsimeeqatigiinneranni tamanna isumaqatigiissutigineqarami.
Aatsitassanut oqartussaaffik tigujartuaarneqarneranut atatillugu inatsit nutaaq piviusunngortinneqartariaqasssaaq, tusarniaasoqartarnissaalu piumasaqaataalluni. Peqatigiiffilli isumaqarpoq aatsitassat pillugit inatsisitaassaaq ima pingaaruteqartigisoq innuttaasut oqallinnermut aamma peqataasinnasariaqartut.