Ujakkaartartoq uummallulluni napparsimmaviliaanneqartoq
Sverigemi Falunimi nunarsuarmi pissartanngorniuttoqarnerani nutaarsiassat kingulliit tusarliunneqartut tassaapput peqataasoq ataaseq uummatiminik ajoquteqarluni unitsitaammat, taavalu kunngikkormiumik pulaartoqartoq.
Allattoq Niels Krogh Søndergaard, Nauja Møller
februaarip 23-at 2015 14:27
Tassami Kunngissaq unammiarfimmut ullumikkut pulaarpoq, Karl Peter Kristensenilu nunanullu allanut sungiusaasoq Øystein Slettemark ullumi unamminissat pillugit sivisuumik tassani oqaloqatigai.
- Kunngissap Sverigemi Vasaløbimi ujakkaarluni peqataanissaminut pilersaarutini oqaluttuarai, Øystein Slettemark KNR-imut taama oqaluttuarpoq.
- Aamma oqarpoq Sisimiuni ujakkaarluni unammersuartarnermut arlaanni Artic Circle Racemut peqataanissani kissaatigalugu.
Karl Peter Kristensen, Lasse Hulgaard Tue Rømerilu sisamanngormat ataasiakkaarlutik sukkasuumik ujakkaarlutik unammipput. Sukkasuumillu iligiiaarluni unammisoqareersoq Lasse Hulgaard uummamminik ajoquteqarluni napparsimmavimmut unitsitaavoq.
