Ujajaasut pingasut ajunaarput aningaasallu 16 milllioner koruunit immap naqqanut kivipput
Somaaliap avataani ujajaasut angallataat anorersuarnerani umiuvoq. Ujajaasut arfineq pingasuusut taakkunannga tallimat ajunaarput, taamatullu aningaasat umiarsuarujussuarmit Sirius Starimit ujajaanermit pissarsiat 16 millioner koruunit immap naqqanut kivillutik, aviisi politiken taamatut allaaserisaqarpoq.
Allattoq Jaaku Lyberth
januaarip 11-at 2009 17:22
Saudi Arabiamiut umiarsuaat uuliamik assartuut, Sirius Star uuliamik akuiarneqanngitsunik 2 milliuuninik amerlassuseqartunik nappartamiittunik 100 millioner dollarsillu nalinginik useqartoq qaammatit marluk ujajaasunit tiguaqqaneqareerluni ippassaq iperagaavoq. Ujajaasut ilaat Daud Nure nutaarsiassaqartisivimmut AP –imut oqaluttuarpoq, ujajaasut angallataat anorersuarnerani umiusimasoq, tallimallu ajunaarsimasut sinnerilu pingasut nunamut nalullutik annassimasut.
Ujajaasut aningaasat pissarsiaat 16 millioner koruuuninik annertussuseqarsorineqartut ujajaasut angallataat umiummat immap naqqanut kivisimassasut Somaliap sineriaani illoqarfimmi Haradhere-mi innuttaasut uppernarsarsinnaasimavaat.
