Ujajaaniat tissaluttarlugit akiornialerpaat
Ujajaaniat Somaaliap avataaniittut imermik tissaluttaatit atorlugit akiorniarneqalerput.
Allattoq Lotte Holm
Umiarsuit containerinik assartuisartut, imermik tissaluttaallutik ujajaanianik qimaasitsiniartalissapput.
Imermik tissaluttartoq minutsimut imeq 5000 literi tissalutsissinnaavaa, 90 meterinillu ungasitsigitsumut tissalussinnaalluni
Qatserisartut ikuallattoqartillugu qatserutigisartagaat politiillu akerliussutsimik takutitsisunik avissaartitsiniaanerminni atortagaat, ineritinneqarsimavoq, ujajaanianut atorneqarsinnaasunngortillugu.
Umiarsuup aquttua aquttarfimmit tv-iikkut isiginnaaruserluni aquummillu aquuteqarluni ujajaanianut tissaluttaasinnaanngorlugu atortut sananeqarsimapput.