Ujajaanianit tiguakkanik annaassiniarneq alutornartoq
Russit sakkutuui pikkorinnersiukkat filmimi pissanganartuliamisulli ullaap tungaani helikopteriminngaanniit ningittarlutik russit uuliamik assartuutaannut Moscow University-mut issorarput. Sakkutuut aallaasinik piareersimasunik sakkoqarlutik umiarsuarujussuaq taanna misissuiffigaat ujajaaniallu saassullugit.
Eqqaattoqarnerani ujajaaniaq ataaseq toqutaavoq, kingornalu ujajaaniat allat quliusut tunniutiinnarput tigusarineqarlutillu.
Uuliamik assartuussuarmiipput russit umiartortut 23-t uuliamik assartuutip maskiinaqarfiani inimi isumannaallisakkami toqqorsimasut, taakkualu Somaliamiunit ujajaanianit taamaallaat ulloq unnuarlu missiliorlugu tigusarisimaneqarlutik.
Tassami Ruslandimi naalakkersuisut nal. akunnialunngui kisiisa atorlugit sorsuut Marshal Shaposhnikov uuliamik assartuummut tiguarneqarsimasumut aallartinniarlugu aalajangersimapput. Inuttat, umiarsuaq minnerunngitsumillu uulia akuiarneqanngitsoq usinga 50 million dollarsinik nalilik annaanniarneqassammata, DR taama tusagassiivoq.
