Ujaarineqartoq suli nassaarineqanngilaq
Umiatsiaq Nassuttuup kangerluup iluani sissamut pitoqqasoq nassaarineqarpoq.
Nassaarnermut atatillugu ajutoortoqarsimanissaa ilimagineqanngitsoq Thomas Egedalip Qeqertarsuarni politiineersup oqaatigaa.
Emil Joelsen, 46-nik ukiulik, Qeqertarsuarmiit marlunngornermi aggustip 30-ani aavariarluni aallarpoq, sapaatillu akunnera qangiuppat angerlassalluni ilaquttaminut oqarsimalluni.
Sisimiuni politiit qulimiguulimmik S-61 –imik ippassaq ujaasipput. Timmisartoq Kangilinnguani sakkutooqarfimmeersoq aamma Nassuttuumi, angutip aavariarfigisaani, ippassaq ujaaseqataavoq, kinguneqanngitsumik.
Ujaasineq politiit angallataat Sisak IV atorlugu ullumi nanginneqarpoq.