Ujaarineqartoq Narsap qaqqaani toqungasoq nassaarineqartoq

31-nik ukiulik 2019-imi novembarimili tammaaneqalerpoq. Taassuma timaa pingasunngornermi nassaarineqarpoq.
Angut Narsap avataani qaqqani nassaarineqarpoq. Toqqorsivimmit assi. Assi © : KNR / Malik Brøns
Allattoq Christine Hyldal
juunip 04-at 2021 15:54
Nutserisoq Connie Fontain

Jens Anguteeraq Benjaminsen 2019-imi novembarip aqqaneq-aappaannili tammaaneqalerpoq. Tamatumalu kingorna takuneqaqqinnani - taannalu Narsap eqqaani qaqqani maanna nassaarineqarpoq.

Kalaallit Nunaani Politiit taama paasissutissiipput.

Toqungasup timaa nassaarineqartoq tassaasoq Jens Anguteeraq Benjaminsen kigutinik misissuinerup inuullu pigisaasa uppernarsarpaat. 

Toqungasumik misissuineq tunngavigalugu Kalaallit Nunaanni Politiit toqusoqarneranut atatillugu pinerluuteqartoqarsimanngitsoq inerniliutigaat. Ilaqutaasut ilisimatinneqarput.

Narsaq eqqaani qaqqami toqungasumik nassaartoqarnera pillugu politiit pingasunngornermi nalunaarfigineqarput.

Politiit Jens Anguteeraq Benjaminsen qasseeriarlutik ujaarinikuuaat.

Jens Anguteeraq Benjaminsen 31-nik ukioqarluni toquvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq