Uippakajaarnermiit ilorrisimaarnermut
Kikkut tamarmik ilisimagunarpaat uippakajaarluni qanoq paatsiveerunnarsinnaatiginera, uippakajaarnerli akiorneqarsinnaavoq arlaatigut ajoqutaalersinnagu. Suliffeqarfinni eqqartugassaavoq, ataatsimoorulluguli akiorniagassaalluni. Qarasaasiaq aqqutigalugu quppersagaq nutaaq Kalaallit Nunaanni Suliffigissaaneq pillugu siunnersuisoqatigiit kiisalu qallunaat nunaanni Sullivinni Avatangiisit pillugit ilisimasanik katersuiviup saqqummersitaani takuneqarsinnaavoq.Suliffeqarfinnilu uippakajaarneq pillugu paasisaqarnerorusukkaanni www.ilorraallak .gl alakkarneqarsinnaavoq, uippakajaarneq pillugu paasissutissat kalaallisut allassimasut tassani takuneqarsinnaapput.
Nunatsinni sulisut akornanni uippakajaartarneq qanoq atugaatiginersoq ilisimaneqanngilaq, ilisimaneqarporli atugaasoq. Taamaattumik pingaaruteqarpoq isiginiassallugu uippakajaartarneq inummut ajoqutaasinnaanera.
