Uini savimmik kapigaa
Ukiumi nutaami sapaatip akunnerata naanerani siullermi ilaatigut savimmik kapisisoqarsimasoq nalunaarutigineqarpoq. Nukappiaqqat arlallit politeeqarfimmut takkussimapput oqarlutillu Narsarsuarmi inissiat ilaanni savimmik kapisisoqarsimanerarlugu. Angut 60-inik ukiulik savimmik kapineqarsimasoq, ambulancit napparsimmaviliaatileraat politiit inissiamut takkupput.
Angutip nulia 58-inik ukiulik ingerlaannaq nassuerpoq, oqarluni oqqatsillutik uini savimmik kapisimallugu.
Arnaq ulluni 16-ini tigummigallagassanngortitaavoq, toqutseriarsimasutut pasineqarluni.
Nuummi politiit maanna 22-nik tigummigallagaqarput. Ilaatigut taakku tassaallutik
Ataaseq toqutsisimasutut tigummigallagaasoq
Marluk toqutseriarsimasutut tigummigallagaasut
Kiisalu aqqanillit nakuusersimasutut tigummigallagaasut.