Uiluiit Norgep sineriaanut noorarput
Silap pissusaata allanngoriartornerata Norge kiannerulersippaa, tamatumalu kingunerisaanik uiluiit Manerassuarmiittut Norgip sineriaanut imartaanullu noorarput.
januaarip 27-at 2010 05:55
Manerassuarmi uiluiit Norgip sineriaani marlussuinnarnut nuussimasut ukiut sisamat matuma siorna maluginiarneqarpoq - ilimagisamiilli amerlanernut noorarsimasut Pinngortitaq pillugu Piosrtaqarfimmit maanna erseqqissaatigineqarpoq.
Uiluiit Manerassuarmeersut Norgip sineriaani maanna ima amerliartupiloortigaat, siulliit Norgip imartaani ikkarlunni ukioq manna nassaarineqarsinnaassagunarlutik.
Uiluiit Norgimi kissaatigineqanngitsorujussuupput, imarmiunut allanut ajoqutaasinnaanerat ernummatigineqarmat, Pisortaqarfimmi pisortaq Janne Sollie, oqarpoq.
- Imarmiut allat uagut nammineq imartatsinnittut ajoqusersinnaavaat, Janne Sollie Pisoratqarfiup nittartagaanit issuarneqarpoq.
Uiluiit Manerassuup avannarpasissortaaniunerusoq piupput.
