Uffarneq akitsussaaq

Paamiuni kissalaartumik kuuffigitilluni uffarneq, ukiortaamiit akisunerungaatsialissaaq. Akit nutaat takukkit.
Allattoq Elisa Isaksen
decembarip 08-at 2011 06:54

Innaallagissamut, imermut kiassarnermullu akit nutaat, januaarip ulluisa aallaqqaataannit atuutilersussat, Nukissiorfimmit nalunaarutigineqarput. Tamatuma kinguneranik Paamiuni imeq kubikmeteri ataaseq - tassa imeq 1.000 liiteri - 21 koruuninik akisunerulissaaq - tassa erngup akia marloriaat sinnerlugu akisunerulissalluni, kubikmeterimut ataatsimut 36 koruuneqalerluni - tassa akisunerpaaffissamiilerluni.

Paamiuni erngup akitsorujussuarnissaanut, aalisakkanik suliffissuup matoqqanera patsisaanerarneqarpoq, tamatumami kinguneranik imermik atuineq appariarujussuarsimammat, naak imermik pilersuinermi aningaasartuutit nikissimanngikkaluartut.  

Illoqarfinni nunaqarfinnilu amerlanerni imermut akiliutit 77 øremik appartinneqassapput, taamaalillutik qaffasinnerpaaffiusussamut kubikmeterimut ataatsimut 36 koruuneqalissallutik. Taamaallaat  Nuummi, Sisimiuni Ilulissanilu imeq akikinnerussaaq.

Akit nutaat linki ataaniittoq toorlugu takusinnaavatit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq