Inuusuttut pingasuugaangata marluk ilinniartuunngikkunik suliffeqartuupput
Kalaallit Nunaanni inuusuttut 16-it 25-llu akornanni pingasuugaangata marluk, tassa 2/3-delii, 2015-imi ilinniartuunngikkunik suliffeqartuupput. Kisitsisit taakku Kalaallit Nunaanni Naatsorsueqqissaartarfiup nittartagaani takuneqarsinnaapput.
Allatulluunniit oqaatigalugu: 32 procentit, inuusuttut pingajorarterutaasa missaat, 2015-ip naajartulernerani suliffeqarnatilluunniit ilinniartuunngillat.
AAMMA ATUARUK Inuusuttut pinerluttartut ikorfartorneqarnerat amigartoq
2014-imut sanilliukkaanni takuneqarsinnaavoq inuusuttut 2015-imi ilinniakkamik ingerlataqanngitsut suliffeqanngitsulluunniit ukiup siulianut naleqqiullugu 3 procentinik ikileriarsimasut, inuusuttummi suliffillit agguaqatigiissinnerat annertunerulersimanera pingaarnertut peqqutaavoq.
Naak kisitsisit takuinnarlugit allanngoriaatit annertugisassaanngikkaluartut, inuusuttut ilinniakkamik ingerlatsinngikkunik suliffeqanngitsut ikileriangaatsiarsimapput. Inuusuttummi ilinniartut suliffeqartulluunniit ataatsimut isigalugit -t ukiup siulianut naleqqiullugit 344-nik amerleriarsimapput.
