U-20-t Chilemut unammissapput

Amerikap nunavittaani assammik arsarluni unammersuarnerni, Argentinami ingerlanneqartumi Kalaallit arnat assammik arsartartut, U-20-nik taaneqartartut, Chilemut ullumi unammissapput.
Allattoq Nauja Møller
apriilip 06-at 2010 10:46

Niviarsissat unammisaqattaarnerit sioqqullugit sisamariarlutik sungiusaqatigeereerput, marloriarlutillu sungiusarlutik unammillutik. Unamminermi siullermi Uruguayermiunut niviarsissat 22-20-mik ajugaapput. Unamminerullu aappaassaata ingerlanneqarnerani Puerto Rico-meersunut naligiiginnarsimapput tamarmik 33-nik isertitaqarlutik.

Ullumi unammineq maani nalunaaqutarput najoqqutaralugu tallimanut qiteqquppat aallartissaaq.

Unammersuarnerit aallartitsinnagit niviarsissat ippassaq qasuersaartinneqarput, nunarsuattalu kujasissuani aasarisseruttornera niviarsissat iluarisimaaqalugu illoqarfissuarmut Buenos Aires-imut ulloq takornariarnermut atorpaat.

Kalaallit assammik arsartartuisa Brasiliamiut aqagu unammissavaat, aqaguagulu Den Dominikanske Republikkimeersut unammissallugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq