U-14-it isikkamik arsaallutik nunatsinni pissartanngorniunnerini B-67 pissartanngorpoq
U-14-it isikkamik arsaallutik nunatsinni pissartanngorniunnerini ippassaq pissartanngorniutivinnermi B-67 pissartanngorpoq. Pissartanngorniunnerit Maniitsumi ingerlanneqarput, ajugaaniutivinnerillu ataasinngornermi ingerlanneqartut marluupput.
Allattoq Peter Troelsen, Simon Uldum
juulip 03-at 2013 04:34
Kâgssagssummiut bronzennanniunnerat pikkunavissortumik ingerlanneqarpoq, tassanilu Kâgssagssuk 1-p 1-ip 2-llu assigiinngissuteqarnerat naqissuserpaa. Kâgssagssuk 1-p Kâgssagssuk 2 11 – 1-mik ajugaaffigaa, taamaalillutillu unammeqqaarnerni qularnaatsumik ajugaanertik attatiinnarlugu.
Ajugaaniutivinneq suli pissanganarneruvoq. GSS aamma B-67 unammeqqaarnerminni 2-2-mik naligiissimapput, ippassarli ajugaaniutivinnermi B-67 2-1-mik ajugaasuuvoq. Unammineq pissangarluinnartumik ingerlanneqareersoq B-67-miut kuultimik ujamilerneqarput. GSS-miut siilvimik ujamilerneqarput, naak unammeqqaarnerni angusarissaarnerusimagaluarlutik.
