Tøger Seidenfaden toquvoq

Aviisip Politikenip aaqqissuisua, Tøger Seidenfaden, kræfti sivisuumik napparsimassutigereerlugu toqukkut qimaguppoq. Aviisimi Politikenimi tamanna allaaserineqarpoq.
Allattoq Apollo Jeremiassen
januaarip 27-at 2011 11:34

- Aviisitta aammalu Danmarkimi aaqqissuisut pikkorinnersaattut oqaatigineqarsinnaasoq annaavaat. Danskit tusagassaqartinneqarneri eqqarsaatigalugit, aammalu inuiaqatigiit akornanni oqallisissiassanik pilersueqataasutut, Tøger siuttunut ilaalluinnarpoq, JyllandsPosten-imi aamma Politikens Husimi pisortaaneq, Lars Munch, tusagassiuutinut nalunaarummini ilaatigut taama allappoq.

Annissaq ammiminiittoq kræftinnguussimasoq ukiuni kingullerni suliaritittaraluarlugu utertoortittarsimavaa, kingullermik ajorteqqippoq siorna ukiortaanngitsiartoq.

Ukiuni kingullerni Seidenfadenip oqalliseqataaffigilluagaasa ilagaat, Muuamaamik titartakkat eqqartorneqarnerujussui.

Tøger Seidenfaden Politikenimi 1993-imi aaqqissuisuuninngorpoq.

Tøger Seidenfaden 53-inik ukioqarluni toquvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq