Aviisimi Berlingske Tidendemi allaaserineqartut naapertorlugit naalagaaffeqatigiit kunngiitsuusut oqaluttuarisaaneranni naalagaaffimmi qullersamik siusinaarluni aatsaat tunuartoqarpoq.
Köhlerip tunuarnini iipassaq nalunaarutigaa, tamannalu pivoq sakkutuut Tysklandimeersut Afghanistanimiittut pillugit isornartorsiuisoqareersorlu.
Sakkutuut Afghanistanimiittut pillugit Köhler ilaatigut oqarpoq, Tyskland nunanut allanut niuertaqimmat sakkutuuliisarneq eqqarsaatigeqqinneqartariaqartoq.
Köhler ima isumaqarsorineqarpoq, sakkutuut Afghanistanimiittut imminnuinnaq eqqarsaatigisut, aningaasat aamma eqqarsaatigineqartut, sorsuunnerlu naalliutsitsinermut akiuunnerunngitsoq.
Isornartorsiuineq Köhlerip inuttut ima sakkortutigisumik tiguaa, allaat tunuarluni.
Köhler 2004-mi præsidentinngorami nuannarineqaqaaq, allaallumi qinigaaqqilluni.