Tysklandimi kansleri qaartartumik nassikkaat
Tysklandimi kanslerip Angela Merkelip allaffiani allakkerivimmi poortugaq qaartartumik imalik nassaarineqartoq, Tysklandimi isumannaallisaanermik suliaqartut aviisimut Berliner Morgenpostimut oqaatigaat.
Allattoq Elisa Isaksen
Tysklandimi isumannaallisaanermik suliaqartut qulliunerusut tamanna aviisimut uppernarsarpaat.
Poortugaq, kanslerimut nassiussaasoq arlaannik qaaqqajaasumik imaluunniit ikuallajasumik imaqartoq, aviisimi allaaserineqarpoq.
Poortugaq politiinit misissoqqissaarneqaleruttorpoq.
Grækenlandimi aningaasaqarnermut ministeeriaqarfik nassiussisutut nalunaarneqarsimavoq.
Angela Merkel allaffimminiinnani maanna Belgiamiippoq.