Tysklandimi ikinnerpaamik qulit ajunaartut
Tysklandimi illoqarfimmi Duisburg-imi sakkortuumik nipilersorluni technortoqarnerani, inuppassuarnit peqataaffigineqartumi, uivernersuarmi peqataasut ikinnerpaamik qulit ajunaarput.
Allattoq Rune Langhoff
Tysklandimi politiit ilisimatitsissutigaat taakkua saniatigut 15-it aqqunartitersimasut.
Sulluliami tusarnaartitsivimmut isaaffiusumi inuppassuit uivernerat aallartissimavoq.
Tusarnaartitsinersuarmi ikinnerpaamik inunnit millionip affaannit peqataaffigineqartumi pisut annerusumik paasissutissiissutigineqanngillat.