Tysklandimi Christian Wulff præsidentinngorpoq

Tysklandi præsidentertaarpoq nutaamik, talerperlerninngaanersoq Christian Wulff præsidentinngormat.
Allattoq Apollo Jeremiassen
juunip 30-at 2010 16:41

Forbundskanslerip Angela Merkelip siunnersuutaa Christian Wulff 625-nik qinerneqarpoq. Tamannali aatsaat pivoq pingasoriarluni qinersereernermi.

Unammillertaa, Socialdemokratineersoq, Joachim Gauck 500-t angungajallugit qinerneqarluni.

Qinersisinnaasut 121-t qinersisimanngillat.

Siullermik aappassaanillu qinersinermi Christian Wulff qinerneqanngitsoormat tamanna Angela Merkelimut politikkikkut ajorsarnertut taaneqarpoq, naak Merkelip naalakkersuinikkut partiit suleqatai amerlanerussuteqaraluartut.

Taasinerup inernerata takutippaa Angela Merkelip parteeqatai illuatungiliuttunut qinersisimasut.

Tamannalu Merkelimut politikkikkut ajorsarnertut isigineqarpoq. Angela Merkelip naalakkersuinikkut suleqatiminit nuannarineqarunnaariartornini sorsuutigingaatsiarsimavaa.

Qinersinermi kingullermi, qinersisut ikittunnguit amigaataasut pissarsiariniarneranni, Merkelip sassartitaa ajugaaqqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq