Tyskland: Meeqqat 18-t biilit inuit akornisigoorneranni aqqunartitertut
Tysklandimi nunap immikkoortuani Hessenimi illoqarfimmi Volkmarsenimi karnevalertoqarnerani biilit inunnik aporsimmata inuit 52-it aqqunartiterput, taakkunanngalu meeqqat 18-iullutik.
Tysklandimi politiit taama nalunaaruteqarput.
Aqqunartitertut pillugit kisitsisit taamaalillutik allanngortinneqarput. Inuimmi 30-t aqqunartitersimasut siullermik nalunaarutigineqarmat.
Aqqunartut 52-iupput, taakkunanngalu 35-t unitsitaapput, massa 17-it unitsinneqaratik nakorsartittut.
29-nik ukiulik tigusarineqartoq
Aqqunartitersimasulli 52-it qanoq aqqunartitersimatiginersut sukumiinerusumik saqqummiunneqanngilaq.
Angut 29-nik ukiulik Volkmarsenimeersoq politiinit tigusarineqarpoq. Angut pineqartoq aamma aqqunartiterpoq, napparsimmavimmilu aamma passunneqarluni.
Angutip saassussineranut suut tunuliaqutaanersut saqqummiunneqanngilaq, saassussinerlu politikkikkut tunngaveqarneranik takussutissaqanngitsoq tusarfiit politiineersut oqaatigaat.
Politiit takunnittullu ippassaq ataasinngornermi oqaatigaat angut piaaraluni aporsisoq.