Tysklandimi unnuaq silarlorujussuarmat, kallerup inneranik eqqugaasut inuit qulingiluaasimapput.
Hamborgimiit Stuttgartip avannaata tungaanut aqquserngit imermik qarsunneqarsimapput. Taamaammat politiit qatseriartullu ulapputigeqisaannik kiilerit immassimasut imaarsarneqarput orpiillu uppissimasut piiarneqarlutik.
Hamborgimi silami timersorfiusartumi arsartartut arfineq-pingasut kallerup inneranik eqqorneqarlutik napparsimaviliartariaqarsimapput, arnarlu ataaseq matorsuaq saviminiusoq ammalertillugu, aamma kallerup inneranik eqqorneqarsimavoq.
Akunnerup affaata ingerlanerani sialuk 100 milliliiteri nakkaasimavoq, taamaammallu aqquserngit qarsutsiffiusut arlalissuupput.
VM-imi arsartunik soqutigisallit neriuutigiinnassavaat, arfininngorpat sapaatiuppallu finaalertoqartinnagu, sialussuup uninnissaa.