Tyskland aamma Italia ullumi unammissapput
Ullualunnguit uninngasimariarlutik isikkamik arsaalluni nunarsuarmi pissartanngorniunnerit ullumi nanginneqassapput, semifinali siulleq ingerlanneqassammat.
Unammisussat tassaapput Tyskland aamma Italia.
Unammineq ualeru nalunaaqutaq tallimanut tanneq arfineq-marlunngorpat KNR-TV-kkut toqqaannartumik aallakaatinneqassaaq.
Tyskland akisillutik unammissapput. Upernaaq nunat taakku marluk unammimmata Tyskland 4 - 1-imik Italiamut ajorsarput.
Taamanikkut Italiami unammipput, ullumikkulli unammilerpata Dortmund-ip arsaattarfissuani Tyskland 50.000-inik nuannaartorinnittulerluni unammissaaq. Tyskland Dortmund-imi unammitilluni suli ajorsarnikuunngilaq. Kisiannertaqarpoq. Italia 23-riarluni unammereerluni suli ajorsarnikuunngilaq, taamaammallu unamminissaq pissanganassaqaaq.
Aqagu piffissap taamaalinerani semifianlit aappaat ingerlanneqassaaq, Frankrig Portugalimut unammisussaagami.