Tyskit umiarsuaataat KNI-p attartorniarunnaarpai

Umiarsuit Tysklandimeersut tusaamanerlugaaqisut attartornissaat taamaatinniarunikku KNI-mut 30 millioni koruuninik akeqassaaq. Angallatit Tysklandimit nunaqarfinnut assartuinermi atuagassatut attartorniarneqaraluarput.

Taamaattorli tyskit umiarsuaataat angivallaarnertik patsisigalugu nunaqarfinnut assartuinermut atorsinnaanngitsut paasineqarpoq, tassami nunaqarfiit marluinnaat taliffigisinnaagaat paasineqareerpoq.

Taamaattumik KNI-p isumaqatigiissuteqaraluarnini taamaatiinnarniarpaa tamannalu 30 millioni koruuninik aningaasartuutigissagaa Atuagagdliuni allaaserinnittoqarpoq.

Assartuiviup, KNI-p ataani suliffeqarfiusup, umiarsuarnut taakkununnga akisussaasuusup, piffissami sivisuumi isumaqatigiissut atorunnaarsinniarlugu tyskit isumaqatiginiarsimavai, isumaqatigiissullu siulersuisunit akuerineqaqqaassasoq KNI-p siulersuisuini siulittaasoq Simon Olsen oqarpoq.

Siulittaasup angallatit assartuinermi maannamut atorneqartartut atorlugit assartuisoqaannassasoq naatsorsuutigaa.