Tyskit sakkunik pisinissartik pillugu, nunami aaqqissuusseqqinneq allanngortippaat

Tysklandimi inatsisartut nunami naalakkersuinikkut aaqqissuusseqqinneq allanngortinniarlugu akuersipput.

Tyskimmi aatsaat taamak annertutigisunik 100 milliarder euronik sakkutooqarnermut atugassanik aningaasaliipput. Aningaasaliissutissammi pineqartut 744 milliarder koruuniupput.

Aningaasanilli taamak amerlatigisunik aningaasaliisoqassappat nunami naalakkersuinikkut aaqqissuusseqqinneq allanngorteqqaarneqartariaqarsimavoq.

Sakkutooqarnermut siunertaqartumik taamak aningaasanik amerlatigisunik tyskit aningaasaliissagunik nunami naalakkersuinikkut aaqqissuusseqqinnerup allanngortinnissaa pisariaqarsimavoq.

Tamatumalu allanngorteqqaartariaqarneranut patsisaavoq tyskit nunami naalakkersuinikkut aaqqissuusseqinnerat nalinginnaasumik qummut killeqartarsimammat soorlu naalakkersuinikkut taarsigassanik nutaanik takkuttoqartillugu.

Ukrainemi sorsunnerup februuarimi aallarteriitsiarnerata kingorna aningaasaateqarfik immikkut ittoq tyskit forbundskansleriata Olaf Scholzip ussassaarutigaa.

Taamanilu taanna ima oqaasertaliivoq: ”sorsunneq oqaluttuarisaanermut allanngortitsisarpoq”.

Forslaget for forfatningsændringen kræver, at to tredjedele af medlemmerne i begge landets lovgivende forsamlinger 

Nunami naalakkersuinikkut aaqqissuussineq allanngortinneqassappat piumasaqaataasimavoq, ilaasortat pingajorarterutaat akuersisimasariaqassasut. Tallimanngormallu tyskit inatsisartuisa akuersissut uppernarsarlugu naqissuserpaat.

Oqaluuserisaq mianernartoq

Tyskland sorsunnersuup aappaanik pilersitsisuunera pillugu, tyskit sorsunnermut apeqqutinut ukiorpassuarni malussarissuusarput mianersuussisaqalutillu.

Maannali nunap politikerii oqartalerput siumut isigisariaqarlutik, pingaartumik russit Ukrainemut saassussinerisa kingornatigut.

Tyskit nunanut allanut ministeriat Annalena Baerbock siusinnerusukkut sakkortuumik uparuaavoq, Tyskland ukiuni qulikkuutaani arlalinni sakkutooqarnermut atugassanik aningaasaliisarsimanngitsoq.

Tyskland tamanna pillugu Nato aqqutigalugu nunanit illersortiminit aamma uparuarneqartarpoq, pingaartumik USA-mit oqaatigineqartarluni naalagaaffimmi tunisat ataatsimut nalingisa 2 procentialuunniit piumasarisaasutut naammassisinnaasanngikkaa, matumani sakkutooqarnermut atugassanik.

Tysklandip sakkutooqarnerup iluani atugassanik aningaasaliinera pisussaaffeqarnermik patsiseqarpoq.

Tyskit maannakkut taamarujussuaq aningaasaliisussanngornerat, nunarsuarmi sakkutooqarnermut atugassanik aningaasaliinerpaasimasuni pingajuattut inissippoq.

Nutaarsiassaqartitsivimmi Reuters naapertorlugu, nunat aningaasaliinerpaat tassaapput USA Kinalu.

Aningaasarpassuillu taakku sakkutuut sakkussaannut pitsaanerusunut atorneqartussaapput, matumani soorlu pineqarlutik, timmisartunut, qamutinut sorsuutinut sakkullu imassaannut, sakkutuullu atortuinut pitsaanerusunut.