Tyskit arfanniat Qeqertarsuarmiissimanerat isiginnaartitsissusiatut
Isiginnaartitsisartut arfinillit isiginnaartitsinermi takutitsipput, tyskit sisamat taakkunannga kalaallit arnat marluk peqataallutik, tassalu Makkak Kleist aamma Vivi Sørensen. Isiginnaartitsinermi atortut marluk kisimik atorneqarput, tassalu tingerlaatissiaq angisooq aammalu nappartaq viinnit puuaat angisooq, orsorlu. Isiginnaartitsinermi tingerlaatissiap atorneqarneratigut takutinniarneqartut tassaapput, arferit angisuut, sikorsuit saatsersut, arferullu orsua
Isiginnaartitsinermi nappartaq isaterneqarpoq katiterneqaqqilluni, tassuuna takutinniarneqarlutik sisorarneq qimusserneq arferit najugangasui aammalu umiarsuup umiusup sinneri.
Isiginnaartitsissusiaq "Die Verlorenen Söhne" Periarfeerussat, unnugu Katuami naggammik takutinneqassaaq, tamatuma kingorna Uummannami takutinneqassalluni. Isiginnaartitsissusiaq Uummannami sisamanngorpat tallimanngorpallu takutinneqassaaq, orsuusivikumi.