Tyrkiap EU-miilernissaa nalorninartorsiutaavoq

Finlandimi statsministeri Matti Vanhanenip EU-mi siulittaasuusup Tyrkiap EU-mi ilaasortanngornissaanut atatillugu isumaqatigiinniarnerit kingumut unittuussangatilerpai.

EU-mmi kommissioniani siulittaasoq Jose Manuel Baroso Helsingforsimi tikeraarnini iluatsillugu Tyrkiamut mianersoqqusivoq.

Allakkiaq Tyrkiamut piumasaqaatitalik Ankara-protokolimik taagugaq qanoq malissinnaatigineritsik Tyrkiap ukioq manna naatinnagu takutittussaavaa, tamannalu ajornakusoortissagunaraat ilimagineqalereerpoq. Piumasaqaataavormi Cypernimi grækerit umiarsuaataasa timmisartuutaasalu Tyrkiami aamma Cypernimi tyrkiami immikkoortortaani umiarsualiviit timmisartoqarfiillu tamanit killilersugaanngitsumik atorneqalernissaat.

Cypern qeqertaavoq Tyrkiap avataaniittoq, nunanut marlunnut avissimasoq, grækerinut tyrkiamiunullu.

Tyrkiap isuma taanna maannamut akerleriuarsimavaa, taamaattumillu ajornartorsiutinik pilersitsissangatinneqalereerpoq.