Tyrkiami ukiortaasiorlutik nalliuttorsiortut 39-it toqutaasut

Tyrkiami illoqarfissuarmi Istanbulimi imertarfimmi unnuaq allaasersortoqarmat 39-it toqutaapput 69-it ikiligaallutik.

Imerniartarfimmi Reinami inuit 600-it ukiortaarsiorlutik nuannanneranni angut juullip inuatut atisalersorsimasoq iserpoq allaasersulerlunilu unnuaq qeqqa qaangilaaraa.

Istanbulip guvernøria Vasip Sahin oqarpoq, aallaasersortoq imerniartarfimmit qimaasimasoq, aallaasersortorlu oqartussaasunit maanna ujaarineqartoq, Tyrkiami nunamut imminermut ministeri Suleyman Soylu oqarpoq.

Tyrkiami præsidenti Recep Tayyip Erdogan oqarpoq, Tykrkia peqqarniisaarnianik akiuniarnissaminik piareersimasoq.

Imerniartarfik Istanbulimiiittoq Reina Tyrkiamiunit taamatullu nunanit allamiunit ornigarneqarluartartuuvoq, nalunaarutigineqartullu kingulliit naapertorlugit toqutaasunit 39-usunit 16-it nunanit allaninngaaneersuupput.