Tyrkiami suli tigusarinnittoqallattaarpoq
Tyrkiami naalakkersuisuni siuttuusoq Tayyip Erdugan tigusarinninnerit pereersullu oqarpoq kinaluunniit Tyrkiami inatsiseqanngitsutut misigisimassanngitsoq. Maanna aallartinneqartoq annernaqaaq, kisianni tamatumani innuttaasut eqqarsaatigineqarput, innuttatta tatigisariaqarpaatigut, Tyrkia demokratiimit inatsisinillu malinninnissamit tunuariartorusunngilaq, taanna taama oqarpoq.
Sakkutuut naalagaat 2003-mi Tyrkiami paatsiveerutitsiniarsimasutut pasineqarput Erduganip partiia ukiup siuliani ajugaareersorlu. Paatsiveerutitsineq sakkutuut naalakkersuinermik tigusinissaannut utoqqatsissutaasussaagaluarpoq.
Tyrkiami sakkutuut 1960-ip kingorna Ankarami naalakkersuisuusarsimasunik sisamariarlutik uppititsisarsimapput. Uppititsineq kingulleq 1997-imi pivoq.
Sakkutuut naalagaasa amerlaqisut tigusarineqarnerat Tyrkiami inuiaassutsimik pingaartitsisut upperisamillu pingaartitsinngitsut kiisalu partiip naalakkersuisuutitaqartup AKP-p islamimik tunuliaqutaqartup akornanni akersuunnerup nangeqqinneqarneratut aalaatsinaatsunit amerlaqisunit isumaqarfigineqarpoq.
