Tyrkiami maajip aallaqaataasiorneq eqqissisimananngitsoq
Tyrkiemi maj-ip aallaqqaataa eqqissisimanarpallaarsimanngilaq. Tyrkiamiut politiivisa inuit 580 tigusarisimavaat, Istanbul-illu qiterpasissuanut Taksim-plads-imut inuit akerliunermik takutitsisut akornusersorniarlugit gas-i qulliliornartoq qatserutillu sakkortuut inunnut akerliullutik ingerlaaqatigiinnut atortariaqarsimavaat. Tyrkiemi politiki pillugu najummannartorsiornerit maji aallaqqaataasiorlugu akerliussutsimik takutitsisoqaqqinnginnissaa anguniarlugu politiit 17.000-it upalugaarsimapput.
Dagbladet Information-imi ilanngutassiortoq; Tyrkiami, Martin Selsø Sørensen, taama oqarpoq:
Ulluni makkunani Tyrkiami kikkut tamarmik najummassimanartorsiortupilussuupput, maannakkut naalakkersuisuusut ilaatigut Tyrkiap inatsisartuini illua´tungiliuttunit uparuartorneqartuarput, sapaatiummallu aamma akerliussutsimik takutitsisunit perujunneqarlutik, soorunami aamma general-init naalakkersuisuusut akerlilersorneqarput naalagaaffiullu eqqartuussiviini sulisuusunit sunnerneqarlutik kikkut tamarmik najummassimanartorsiorput.
Aamma Berlin Tyskland-imi maj-ip allaqqaataani eqqissiviilliorfiuvoq. Unnuaq inuusuttut 61-it illoqarfiup kangiatungaani Friedreichshain-imi illoqarfik fest-erfigisartik qimakkumanngimmassuk tigusarineqarsimapput, inuusuttut qimagukkusugatik qummoroortaatinik puiaasanillu politiinut assiaqusersorsimasunut sakkulersorsimasunullu allarartitsillutillu millorsimapput. Maannakkut politiit 5000-iot Berlin-ip aqquserngini eqqissiviilliortoqannginnissaa pinaveersimatippaat.
